સવારે ઠંડી અને બપોરે ગરમીનો થશે અનુભવ

રાજ્યમાં હાલ બેવડી ઋતુની અસર જોવા મળી રહી છે, જ્યાં સવારે ઠંડીનો અહેસાસ થશે તો બપોરે ગરમી અનુભવાશે. હવામાન વિભાગ મુજબ નલિયામાં લઘુતમ તાપમાન 11.8 ડિગ્રી નોંધાયું છે. અમદાવાદ અને ગાંધીનગરમાં લઘુતમ તાપમાન આશરે 18 ડિગ્રી અને મહત્તમ તાપમાન 32 ડિગ્રી સુધી રહેવાની શક્યતા છે. હાલ રાજ્યના વાતાવરણમાં કોઈ મોટા ફેરફારની શક્યતા નથી અને આવનારા દિવસોમાં પણ આવું જ હવામાન યથાવત રહેશે.