ઝારખંડના વરિષ્ઠ નેતા શિબુ સોરેનનું અવસાન: રાજ્ય શોકની જાહેરાત
ઝારખંડના રાજકારણના દિગ્ગજ નેતા અને ઝારખંડ મુક્તિ મોરચા (JMM) ના સ્થાપક શિબુ સોરેનનું 81 વર્ષની વયે અવસાન થયું છે. તેઓ છેલ્લા એક મહિનાથી દિલ્હીની ગંગા રામ હોસ્પિટલમાં કિડનીની બીમારી અને મગજના સ્ટ્રોકને કારણે સારવાર હેઠળ હતા. રવિવાર, 4 ઓગસ્ટના રોજ તેમનું નિધન થતાં ઝારખંડના રાજકારણમાં એક યુગનો અંત આવ્યો છે. તેમના પુત્ર અને રાજ્યના વર્તમાન મુખ્યમંત્રી હેમંત સોરેને આ દુ:ખદ સમાચારની પુષ્ટિ કરી.
દિશામ ગુરુ’ તરીકે ઓળખ
શિબુ સોરેન, જેમને તેમના સમર્થકો ‘દિશામ ગુરુ’ તરીકે સન્માનપૂર્વક ઓળખતા હતા, તેમણે 1973માં JMMની સ્થાપના કરી અને અલગ ઝારખંડ રાજ્યની ચળવળમાં મહત્ત્વપૂર્ણ ભૂમિકા ભજવી. આદિવાસી સમુદાયના અધિકારો અને સામાજિક ન્યાય માટેના તેમના સંઘર્ષો તેમને રાજકારણમાં એક અગ્રણી નેતા તરીકે સ્થાપિત કર્યા. તેઓ ત્રણ વખત ઝારખંડના મુખ્યમંત્રી રહ્યા અને કેન્દ્ર સરકારમાં કોલસા મંત્રી તરીકે પણ સેવા આપી.
શોક અને સંવેદના
પિતાના નિધનથી શોકમગ્ન મુખ્યમંત્રી હેમંત સોરેને કહ્યું કે, “આજે હું શૂન્ય થઈ ગયો છું. ગુરુજીએ સામાજિક ન્યાય માટે અસંખ્ય સંઘર્ષો લડ્યા, જેની ખોટ હંમેશા અનુભવાશે.” રાષ્ટ્રપતિ દ્રૌપદી મુર્મુ, કેન્દ્રીય મંત્રી નીતિન ગડકરી સહિત દેશભરના અનેક નેતાઓએ તેમના અવસાન પર શોક વ્યક્ત કર્યો છે.
રાજ્ય શોકની જાહેરાત
શિબુ સોરેનના નિધનને પગલે, ઝારખંડ સરકારે તેમના સન્માનમાં સાત દિવસના રાજ્ય શોકની જાહેરાત કરી છે. તેમના અંતિમ સંસ્કારની વિધિ અંગેની માહિતી ટૂંક સમયમાં જાહેર કરવામાં આવશે. શિબુ સોરેનનો જન્મ 11 જાન્યુઆરી, 1944ના રોજ હજારીબાગના નેમરા ગામમાં થયો હતો.
