T20 વર્લ્ડ કપ 2026ના સુપર 8માં રમાયેલી મેચમાં ભારતે વેસ્ટઇન્ડીઝને પાંચ વિકેટે હરાવી સેમિફાઇનલમાં સ્થાન પાકું કર્યું છે. ઈડન ગાર્ડન્સ ખાતે રમાયેલી આ રોમાંચક મેચમાં કેપ્ટન Suryakumar Yadavે ટોસ જીતી પહેલા બોલિંગ કરવાનો નિર્ણય લીધો હતો. પહેલા બેટિંગ કરવા આવેલી વેસ્ટઇન્ડીઝે 20 ઓવરમાં 4 વિકેટે 195 રન બનાવ્યા હતા અને ભારત સામે 196 રનનો ટાર્ગેટ મૂક્યો હતો.
ટીમ ઇન્ડિયાની શરૂઆત સંજુ સેમસન અને અભિષેક શર્માએ સંયમપૂર્વક કરી હતી, પરંતુ ત્રીજી ઓવરમાં અભિષેક 10 રન બનાવી આઉટ થયો. ત્યારબાદ પાંચમી ઓવરમાં ઈશાન કિશન પણ 10 રન બનાવી પેવેલિયન પરત ફર્યો. 6 ઓવર પછી ભારતનો સ્કોર 53-2 હતો. આ પરિસ્થિતિમાં કેપ્ટન સૂર્યકુમાર યાદવ અને Sanju Samson વચ્ચે મહત્વપૂર્ણ ભાગીદારી થઈ. સંજુએ માત્ર 26 બોલમાં અડધી સદી પૂર્ણ કરી અને ટીમને જીત તરફ દોરી. અંતે સંજુ સેમસનની તોફાની ઇનિંગ્સના જોરે ભારતે 5 વિકેટે રોમાંચક જીત મેળવી સેમિફાઇનલમાં એન્ટ્રી કરી.
બોલિંગમાં Jasprit Bumrah ભારત તરફથી સૌથી સફળ રહ્યો. તેણે 4 ઓવરમાં 36 રન આપી 2 વિકેટ ઝડપી અને એક જ ઓવરમાં બે વિકેટ લઈ મેચનો રૂખ બદલી દીધો. હાર્દિક પંડ્યાએ 4 ઓવરમાં 40 રન આપી 1 વિકેટ લીધી, જ્યારે વરુણ ચક્રવર્તીએ પણ 1 વિકેટ મેળવી ટીમને મહત્વપૂર્ણ સફળતા અપાવી.
આ જીત સાથે ભારત સુપર 8માંથી સેમિફાઇનલમાં પહોંચનાર ચોથી ટીમ બની ગયું છે. હવે ભારતની સેમિફાઇનલ મેચ 5 માર્ચે ઇંગ્લેન્ડ સામે મુંબઈમાં રમાશે. બીજી તરફ આ હાર સાથે વેસ્ટઇન્ડીઝની ટૂર્નામેન્ટમાં યાત્રા સમાપ્ત થઈ છે. ભારતની આ રેકોર્ડ તોડ રન ચેઝ અને સંજુ સેમસનની શાનદાર બેટિંગે ચાહકોમાં ઉત્સાહનો માહોલ સર્જ્યો છે.
