વિદ્યાર્થીઓ અને મુસાફરો માટે મુશ્કેલી: 11 ડેપોમાં ડ્રાઇવર-કંડક્ટરની ઘટ
260 ડ્રાઇવર અને 189 કંડકટરની ઘટ: બે શિફ્ટમાં કામ સોંપવાની ફરજ
રાજ્યમાં એસટી નિગમ દ્વારા ‘સલામત સવારી એસટી બસ અમારી’ના બણગાં ફૂંકવામાં આવી રહ્યા છે, પરંતુ આણંદ-ખેડાના 11 ડેપોમાં 260 ડ્રાઇવર અને 189 કંડક્ટરની ઉણપને કારણે એસટી બસ સેવામાં મુશ્કેલી ઉભી થઈ છે. તમામ એસટી બસો દોડાવવા માટે તંત્રને ડ્રાઇવર-કંડકટરોને બે શિફ્ટમાં કામ કરાવવું પડી રહ્યું છે.
અનિયમિત રૂટો અને મુસાફરોની હાલાકી
ગ્રામ્ય વિસ્તારોમાં બસ સેવા અનિયમિત હોવાથી વિદ્યાર્થીઓ અને સામાન્ય મુસાફરો ભારે મુશ્કેલીનો સામનો કરી રહ્યા છે. જોકે, સરકારી સૂત્રો જણાવે છે કે ટૂંક સમયમાં સંખ્યા મુજબ નવી ભરતી કરવામાં આવશે.
100% એસટી બસો દોડાવવાનો આદેશ
આણંદના નવા બસ સ્ટેશનની મુલાકાત દરમિયાન ગૃહ રાજ્ય મંત્રી હર્ષ સંઘવીએ 100% એસટી બસો દોડાવવાનો આદેશ આપ્યો હતો. આણંદ-ખેડા જિલ્લાના 11 ડેપોમાંથી 740 એસટી બસો અને 693 શિડ્યૂલ અનુસાર દરરોજ 5000 ટ્રીપ ચલાવવામાં આવી રહી છે.
મંજુર મહેકમ કરતા ઓછી સંખ્યા
હાલમાં મંજૂર 1513 ડ્રાઇવરોની સામે 1253 અને 1513 કંડક્ટરોની સામે 1324 જ કર્મચારી ફરજ બજાવી રહ્યા છે. જેથી 260 ડ્રાઇવર અને 189 કંડક્ટરની ઘટ જણાઈ રહી છે. પરિણામે કેટલાંક કર્મચારીઓ પર ડબલ ડ્યુટીનો ભાર આવતો હોય તેવું જાણવા મળ્યું છે.
સરકારી કાર્યક્રમો અને બસ કટોકટી
વડા પ્રધાનના કાર્યક્રમો માટે ઘણી વખત એસટી બસ ફાળવી દેવામાં આવતાં નાના રૂટો પર બસ સેવામાં ખોરવણી થતી હોય છે. જો કે, રાજ્ય સરકાર દ્વારા ટૂંક સમયમાં જરૂરી ભરતી કરી સમસ્યાનું નિરાકરણ લાવવાની તૈયારી દર્શાવવામાં આવી છે.
ગુજરાતના મુખ્યમંત્રી ભૂપેન્દ્ર પટેલે જણાવ્યું હતું કે જેટલી સરકારી જગ્યા ખાલી છે તે ભરી દેવામાં આવે ત્યારે તે જેવુ રહ્યું કે GSRTCની ભરતી ક્યારે કરાશે.
