ગંભીરા બ્રિજ પર સાંસદ મિતેષભાઈ પટેલનું સ્થળ નિરીક્ષણ
આણંદના સાંસદ મિતેષભાઈ પટેલે આંકલાવ વિધાનસભા ક્ષેત્રમાં આવેલા ગંભીરા બ્રિજના ચાલી રહેલા નવીનીકરણ કાર્યનું સ્થળ નિરીક્ષણ કર્યું હતું. આ બ્રિજ પરિવહન માટે અત્યંત મહત્વનો છે અને તેનું કાર્ય હાલ પ્રગતિમાં છે.
સાંસદે સ્થળ પર જઈ કામગીરીનું ઝીણવટપૂર્વક નિરીક્ષણ કર્યું હતું. તેમણે અધિકારીઓને કાર્ય સમયસર અને ઉચ્ચ ગુણવત્તા સાથે પૂર્ણ કરવા માટે જરૂરી માર્ગદર્શન પૂરું પાડ્યું હતું.
આ પ્રસંગે તેમની સાથે પૂર્વ પ્રદેશ મંત્રી શબ્દશરણભાઈ બ્રહ્મભટ્ટ, તાલુકા પ્રમુખ ગણપતસિંહ, મહામંત્રી અલ્પેશભાઈ પટેલ, જિલ્લા મંત્રી દિનેશભાઈ, ગુલાબસિંહ પઢિયાર સહિત જિલ્લા અને તાલુકા પંચાયતના ચૂંટાયેલા પ્રતિનિધિઓ તેમજ પક્ષના અગ્રણી કાર્યકર્તાઓ મોટી સંખ્યામાં ઉપસ્થિત રહ્યા હતા.
ગંભીરા બ્રિજનું નવીનીકરણ કાર્ય પૂર્ણ થવાથી વિસ્તારના વાહનવ્યવહારમાં નોંધપાત્ર સુવિધા ઊભી થશે અને સ્થાનિક અર્થતંત્રને પણ વેગ મળશે.
