ડોર ટુ ડોર કચરો ઉઠાવા ખાનગી ગાડીઓની અનિયમિતતા સામે રહીશોની ફરિયાદ
આણંદ નગરપાલિકામાંથી આણંદ મહાનગર પાલિકા બનતાં નગરજનોમાં આશા જાગી હતી કે, સારી સગવડ મળશે. પરંતુ તેથી વિપરીત બે-ત્રણ માસ પહેલાં જ શરૂ કરેલ રોજેરોજ ડોર ટુ ડોર કચરા કલેકશન ઉઘરાવવાનો કોન્ટ્રાકટ આણંદ મહાનગર પાલિકા દ્વારા આપ્યોહતો. પરંતુ આ કચરા ક્લેકશનની ગાડીઓ બે મહીના રેગ્યુલર ચાલ્યા બાદ હવે ચારથી પાંચ દિવસે આવે છે. જેથી નગરજનોને સગવડના બદલે અગવડ પડી રહી છે.
આણંદ પાલિકામાંથી મહાનગર પાલિકા બન્યા બાદ શહેરમાં રોજે-રોજ કચરાના કલેક્શન માટે ડોર ટુ ડોર કચરા કલેકશનનો કોન્ટ્રાકટ અપાયો હતો. જે બે મહીના સુધી વ્યવસ્થિત ચાલ્યો હતો. પરંતુ આણંદના ભાલેજરોડ ઓવરબ્રિજની આજુબાજુની સોસાયટીઓમાં તા. 1 એપ્રિલથી કચરા કલેકશન કરવા રોજેરોજ ગાડી આવતી નથી. આ અંગે વારંવાર ફરિયાદ કરવા છતાં અણઘડ આયોજનના કારણે સ્થાનિકોને મુશ્કેલી વેઠવાનો વારો આવ્યો છે. આ અંગે ફરિયાદ કરતાં સુપરવાઇઝરે જણાવ્યું હતું કે, ડ્રાઇવર નોકરી છોડીને જતો રહ્યો છે. જે નવો ડ્રાઇવર આવશે ત્યારે કચરાનું કલેકશન રેગ્યુલર થઇ જશે પરંતુ હજુસુધી રેગ્યુલર થયેલ નથી.
આ અંગે ફરીથી ફરિયાદ કરતાં જણાવેલ નવો ડ્રાઇવર આવી ગયો છે પરંતુ તે અન્ય રાજ્યનો હોવાથી તે વિસ્તારની ભૂગોળથી પરિચિત નથી પરંતુ આજે 20 દિવસ થઇ જવા છતાં ચાર-પાંચ દિવસમાં ફક્ત એકજ વાર કચરા કલેકશન માટે ગાડી આવે છે. તો આ અંગે લાગતા વળગતા સત્તાવાળાઓ આ બાબતે ઘટતું કરી કચરા કલેકશન માટે રેગ્યુલર ગાડી આવે તેવી આ વિસ્તારના રહીશોની માંગ છે. આ ઉપરાંત આ વિસ્તારમાં સફાઈનો પણ અભાવ જોવા મળે છે. આ વિસ્તારમાં અઠવાડીયામાં ફક્ત એકજ દિવસ મંગળવારે સફાઇ કરવામાં આવે છે અને તે પણ ઉપર ઉપરથી કચરો લઇને સફાઇ સેવકો જતા રહે છે.
